Joe 1 | ZomZIV | STEP | Pethuel’ tapa Joel tungah TOPA kammal a tung hi.

Joel 1

1 Pethuel’ tapa Joel tungah TOPA kammal a tung hi.

Kauphe in Gamsung Siasak

2 No upate aw, za un; ^a
gamsunga teng khempeuh aw, ngai un. ^b
No khan sung ahikeh na pu na pate uh khan hun lai-in
hih bang thu piang ngei ahi hiam? ^c
3 Na tate uh tungah gen un,
a tate uh tungah gensak un;
a tate uh akhang akhangin kigensawn uh hen.
4 A keitan kauphete nek bang teng, ^d
kauphe hon in gai khin hi.
Kauphe honpite nekbang teng,
kauphenote in gai khin hi.
Kauphenote nekbang teng ^e
kauphe dangte ^{▼▼1.4 Hih a kizang kauphe cih kammal lite Hebrew laimal ah kician lo hi.} in gai khin hi.
5 No zukhamte aw, khanglo unla kap un!
Lenggahzu dawnte khempeuh aw, mau un, ^g
na mukte pan un
zuthak kila mangta ahi manin mau un.
6 Minam khat in ka gam hong sim-a,
vanglian mahmahin sim zawh lohin tam uh a, ^h
a ha uh humpinelkai ha bangin,
humpinelkai nute ha bangin a hiam hi.
7 Ka lenggui teng netum uh a,
ka theikungte siasak uh hi.
Ahawng teng kheuhkhia-in
lawnmang uh a,
a hiang kang sengsang bek nusia uh hi.
8 Nungakbit ^{▼▼1.8 Ahikeh numei khangmoi} khat in a khangno lai-a a pasal ^{▼▼1.8 Ahikeh zuthawl piaksa} a kah bangin
puan hampi silhin kap un. ^k
9 TOPA inn ah an-a biakna le
dawntheih-a biak nading om nawn lo hi. ^l
TOPA mai-ah nasem
siampite thum uh hi.
10 Lote kisia khin a
leitang keucipin ^{▼▼1.10 Ahikeh Leitang thum} lo-a
ante kisusia-a,
zuthak kangta in,
sathau a om nawn kei hi.
11 Lokhote aw, dah un;
lenggui cingte aw, thum un;
mangbuh le mangbuh-ham cingte aw, dah un;
bang hang hiam cih leh lo-a an lak ding khempeuh kisia ta hi. ⁿ
12 Lengguite keugaw a,
theikungte kungkeu hi.
Mang kawlsing - nisuh le apple kungte -
lo sunga singkung khempeuh keu hi.
Mihing lungnopna khempeuh
beimang ta hi.

Kisik dinga Sapna

13 Biakna-tau mai-a nasem no siampite aw,
puan hampi silhin thumin tau un. ^o
No Pasian mai-a nasemte aw, ^p
hong pai unla zan tawntung puan hampi silh un.
Ahang in, an-a biakna le dawntheih-a biaknate
note Pasian inn ah kibansam ta hi.
14 A siangtho antan sawmin
a siangtho kikhop khat sam un.
TOPA note Pasian inn ah
upate le
gama teng mite khempeuh khawm unla
TOPA tungah kikokhia un. ^q
15 Tua ni aw, tazen aw! ^r
Ahang in, TOPA ni nai ta hi. ^s
Thahatpenpa ^{▼▼1.15 Hebrew in Shaddai} suksiat bangin hong tung ding hi.
16 Ei mitmuh mahmah in
i Pasian inn ah ante -
lungnopna le lungdamnate
kibansam ta hi lo hiam?
17 Khaicite leikhal ^{▼▼1.17 Hebrew pau-in hih kammal kician lo hi.} nuai-ah
thangbugamh ta!
Saala koih ding
an om nawn loin
an-saalte kisiagawp ta hi.
18 Ganhonte hamham ta!
Ganhonte lopa mu zo loin
cimawh uh hi.
Tuuhonte nangawn in gimlawh uh hi. ^v
19 TOPA aw, nang kong ko hi,
lonona mun teng mei in hultum a, ^w
gam sunga sing khempeuh meikuangin kangtum hi.
20 Luitui khempeuh kangcipa, ^x
lonona munte mei in hultum ahi manin
gamsate nangawn husam uh hi. ^y